Aybdor

Yarim kechasi Jasurning telefoni jiringlaydi — uni IIBga chaqirishadi. U yetib kelgach, unga qizining o‘ligi ko‘rsatiladi. Hamma shokda: yoshgina qizni kim o‘ldirgan?

Bir kun avval Jasurning qizi Ziyoda dugonasining tug‘ilgan kuniga borgandi. U yerdan hammadan keyin qaytadi. Restoranda Jasurning do‘sti Ikrom ham bo‘ladi va u mast holatda qizlarni kuzatadi. Ziyoda restorandan chiqqach izsiz g‘oyib bo‘ladi, oradan vaqt o‘tib esa uning jasadi topiladi.

Bu orada Ikrom ham jarohat olib uyiga qaytadi. Ikromning ayoli qotillik haqida eshitib, undan shubhalanadi. Ammo haqiqat boshqacha edi: Ziyodani Jasurning o‘tmishi “o‘ldirgandi”.

Ma’lum bo‘lishicha, Jasur 20 yil avval avtohalokat sodir etib, bir ayol va bir erkakning o‘limiga sabab bo‘lgan. O‘sha insonlarning o‘g‘li Jamshid Jasurdan qasos olganini tan oladi.