Qonli iz

Muxtor zohiran amakisi Qobilni izzat-hurmat qiladigandek ko‘rinsa-da, aslida uni o‘lgudek yomon ko‘radi. U amakisini otasining o‘limida hamda oilaviy boylikni o‘z nomiga o‘tkazib olganlikda ayblaydi. O‘ch olish uchun payt poylaydi.

Qulay fursat kelgach, Muxtor yollanma qotil orqali Qobilni o‘ldirtiradi. U shunday reja tuzadiki, Qobilning sevimli shogirdi va Muxtorning yaqin do‘sti Qudrat gumon ostida qoladi.

Ustozining jasadi ustidan chiqqan Qudrat qochishga majbur bo‘ladi va haqiqiy qotilni topish uchun izlanishni boshlaydi. Sir ochilishidan qo‘rqqan Muxtor Qudratni ham yo‘q qilishga urinadi, biroq bunga erisha olmaydi.

Film yakunida Qudrat ustozining qotili Muxtor ekanini aniqlaydi. Muxtor militsiya tomonidan qo‘lga olinadi.