To‘yda ko‘rishamiz

Bu zamonaviy komediyada qiz — taksi haydovchisi sifatida tasvirlanadi. Sarvinoz yo‘ldan mijoz olaman deb bir yigitga duch keladi. Yigit yo‘l haqiga kam pul aytadi, ammo Sarvinoz unda qandaydir iliqlik sezib, uni mashinasiga o‘tkazadi. Orqa o‘rindiqda o‘tirgan xola bu holatdan norozi bo‘lgandek shikoyat qiladi, yoshlar esa kulishadi.

Yo‘l davomida Sarvinoz va yigit suhbat qurishadi. Shu qisqa uchrashuv Sarvinozning yuragida his uyg‘otadi — u bexosdan yigitga oshiq bo‘lib qoladi. Sarvinoz dugonasiga his-tuyg‘ularini ochib beradi. Dugonasi esa uni qo‘llab-quvvatlab:
“Bugungi zamonda qizlar ham sevgi uchun kurashadi!” — deya harakat qilishga undaydi.

Sarvinoz sevgisi uchun rosmana kurashishni boshlaydi: yigitning yashash manzilini topadi, u haqida ma’lumot yig‘adi, hatto uni yoqtirgan sobiq qizlari bilan ham suhbatlashadi. Odatda yigitlar qiladigan ishlarni bu safar qiz amalga oshiradi. Bu esa o‘z-o‘zidan kulgili, yumaristik epizodlarni yuzaga keltiradi.

Jarayon davomida ko‘plab qiziqarli va shirin noqulay vaziyatlar sodir bo‘ladi. Film oxirida Sarvinoz va yigit o‘rtasidagi yaqinlik mustahkamlanadi. Nihoyat, yigit ham Sarvinozga oshiq bo‘lib, ular birga oila qurishga qaror qilishadi.