Ikki yuzli odam

IKKI YUZLIK ODAM
Film boshida Jafar va uning yaqin do‘sti Abrorning mahalla ko‘chasida velosiped uchayotgani ko‘rsatiladi. Abror Jafarga “men ham velosipedingda bir uchay”, deydi. Jafar rozi bo‘ladi. Abror Jafarni velikning orqa tarafiga o‘tirg‘izib xayday boshlaydi. U boshqaruvni yo‘qotadi va velik yo‘ldan chiqib ketadi. Abror epchillik bilan sakraydi. Jafar esa temir panjaraga borib uriladi. Qornining o‘ng tarafi jaroxatlanib, bir umrga chandiq bo‘lib qoladi.
 Hozirgi kunlar. Jafar tadbirkorlik bilan shug‘ullanadi. Oyiga yaxshigina daromadi bor. U Sarvinoz ismli qiz bilan sevishadi. Kunlarning birida Jafarning ishlari orqaga ketib, katta qarzga kirib qoladi. Hamkorlari undan pulni talab qila boshlaydi. Bolalikdan birga o‘sgan eng yaqin do‘sti Abrorga o‘zini o‘zi o‘ldirmoqchi ekanini aytadi. Abror unga qarab “bilaman, qarzing ko‘p. Lekin o‘zingni o‘ldirishingga arzimaydi. Kecha eshitib qoldim. Yaponiyada odamning tashqi ko‘rinishini o‘zgartirib, boshqa odamga aylantirib qo‘yishar ekan”, deydi. Jafarga bu taklif ma’qul keladi. Xayotini qaytadan boshlashga qaror qiladi. Lekin hujjat masalasi (pasport) uni o‘ylantirib qo‘yadi. Abror uniyam bir ilojini qilamiz, deydi. Jafar Yaponiyaga ketadi. Bu vaqtda esa uning hamkorlarini uni qidira boshlaydi. Bedarak yo‘qolganini eshitishadi. Bir oydan so‘ng Jafar qaytib keladi. Abror uni kutib oladi. Lekin tanimaydi. Jafar butunlay boshqa odamga aylangan. Xatto ovozi ham boshqacha. Abror uning gaplariga ishonmay qornini ochib ko‘radi va bolalikdagi chandig‘ini ko‘rib so‘ngra ishonadi. Jafarning yangi xayoti boshlanadi. Avvalgi ishhonasiga oddiy ishchi bo‘lib ishga kiradi. O‘zining eski hamkorlari bilan yaqinlashadi va ularni aslida kim ekanini bilib oladi. Sevgan qizi Sarvinoz bilan ham aloqa o‘rnatadi. Sarvinozdan ham hafsalasi pir bo‘ladi. Biroz vaqtdan so‘ng ota-onasini sog‘ingan Jafar o‘z uyiga bir nimani bahona qilib boradi. Onasi unga tikilib “bolam siz menga o‘g‘limni eslatib yuboryapsiz. Qandaydir o‘xshashligingiz bor”, degancha tikilaveradi. Jafar qaytadan ish boshlab oyoqqa turadi. Qarzlarini uzadi. Atrofdagilarni kimligini biladi. Film so‘ngida bularning hammasi tush ekani ko‘rsatiladi. (balki).