O‘gay yurak

Jamshid aeroportga xotini Nigora va ikki qizi — Xurshida hamda Sevinch bilan keladi. Nigora yonida Yulduz va uning o‘g‘li Kamron bilan chiqib keladi. Jamshid Yulduzni ko‘rib hayratga tushadi: ular yillar avval turmush qurgan edi.

O‘tmishda moddiy qiyinchiliklar va Yulduzning onasi bosimi sabab Yulduz chaqaloq qizini tashlab, chet elga ketgan. Jamshid esa nimjon tug‘ilgan qizini asrab qolib, voyaga yetkazgan. Keyinchalik Nigora bilan oila quradi.

Yulduz qaytib kelib, Xurshidaning o‘z qizi ekanini biladi. Ammo qiz uni ona sifatida tan olmaydi. Shu orada Kamron va Sevinch o‘rtasida his-tuyg‘ular paydo bo‘ladi. Jamshid bunga qarshi chiqadi, janjal yuz beradi.

Haqiqatlar ochilgach, Yulduz qilgan xatosini anglaydi va o‘g‘li bilan ortga qaytadi. Oila yana osoyishtalik sari yuz tutadi, biroq qalblarda og‘riqli xotiralar qoladi.