So'nggi nafas

“So‘ngi nafas” sinopsis

Voqea Samandarni do‘sti O‘tkir bilan nikoh to‘yi uchun do‘kondan kostyum shim tanlashidan boshlanadi. Samandar kostyum tanlayotgan vaqtida uni yana boshiga og‘riq kiradi va u xushidan ketadi. Do‘sti O‘tkir uni shifoxonaga olib borganida bilishadiki, Samandar miya saratoni kasalligiga chalingan bo‘ladi. Samandar juda tushkun holatga tushib qoladi. To‘yni to‘xtatmoqchi bo‘ladi, chunki sevgan qizi Anorani baxtsiz bo‘lib qolishini istamaydi. U hammadan kasalini yashiradi, hatto ota-onasidan ham berkitadi. Samandarning ota-onasi ham o‘g‘lini o‘zgarib qolganidan hayron bo‘lishadi. Anoraga ham qo‘pol gapirib u bilan aloqalarni uzadi. Anora ham tushkun holatga tushib qoladi. Unga faqatgina singlisi Asal dalda bo‘ladi. Anorani ko‘z oldiga Samandarning uning uchun muhabbatiga kurashgani ko‘z oldiga keladi. “Samandar akam nega birdan o‘zgarib qoldilar?” degan savollar Anorani qiynayveradi. Anorani onasi qizidan shubxalanadi. “Nega kuyov birdan sendan aynib qoldi?” deb janjal ko‘taradi. Lekin barcha savollar javobsiz edi. Bir kuni Anora Samandar bilan ochiqchasiga gaplashib olmoqchi bo‘lganida, Samandar boshqa shaxarga ketmoqchi bo‘ladi, Anora uni to‘xtatib savolga tutganida Samandarni yana tobi qochib qoladi. Anora qo‘rqib ketib Tez Yordamga qo‘ng‘iroq qiladi. Anora Samandar bilan kasalxonaga borganida, u ham Samandarni kasalligini bilib qoladi. Avvaliga qiz shok xolatiga tushadi, nima qilishni bilmay qoladi. Lekin Samandarga bo‘lgan muhabbati ustunlik qilib qiz hammasiga rozi bo‘ladi. O‘g‘lini kasalligidan habar topgan ota-ona ham qattiq iztirobga tushishadi. To‘y kuni Anora bilan Samandardan baxtli insonlar yo‘q edi. Ular to‘y mashinasida qaytishayotganida, Samandar baxtiyor ko‘zlari bilan olamdan ko‘z yumadi. Uning so‘nggi damlari baxtli kechadi. TAMOM!