Bir kunlik sevgi

BIR KUNLIK  SEVGI
 Amirbek Sodiqov — 27 yoshda, universitetni a’lo baholarda tugatgan, lekin to‘g‘ri keladigan ish topolmayotgan yosh yigit. Kambag‘al oiladan chiqqan yigit. Avvaliga oilaviy sharoitidan uyalib yuradi. Lekin zamonaviy fikrlaydigan, yumor hissi kuchli, quvnoq yigit.  Har qanday qiyin vaziyatda yo‘l topa oladigan quv yigit. Maqsadi oilaviy hayotini yaxshi tomonga o‘zgartirish. Amirbekni zo‘r-zo‘r g‘oyalari bor. Lekin uni amalga oshirish uchun puli yo‘q. shuning uchun ba’zida vaqt ketkazib o‘qiganidan alami kelib, achchiqlanadi. Amirbek o‘ziga munosib ish topish uchun jiddiy kirishadi. Shunday kunlarning birida u tasodifan shahardagi bir mahallaning ikki qarama-qarshi tomonida yashaydigan ikkita boyvachcha biznesmenelarni uyidan ish topadi. Bitta boy oilani puli ko‘pligi qiziqtirsa, ikkinchi biznesmenni qizini bir ko‘rishda yoqtirib qoladi. Puli ko‘p biznesmenni qizi esa Amirbekni sevib qoladi. Bu yerda sevgi uchburchagi paydo bo‘ladi. Chunki ikkala boy bir biri bilan dushman bo‘lgani kabi, ularni qizlari ham bir biri bilan qarama qarshi. Amirbek ikkita dushman boyni uyida ishlayotganini xo‘jayinlaridan sir tutadi.  
 Birinchisi — Bahrom Komilov, shaharlik ishbilarmon, zamonaviy "start-up" loyihalar va biznes-markazlar egasi. Unga mahallada Toshkentlik Ilon Mask deb nom qo‘yishgan. 
 Ikkinchisi — Mirzoxon Rahimov, limonariy yetishtiradigan boyvachcha.  Uni mahalladagi laqabi Mirza million. 
 Amirbek aynan o‘sha limon yetishtiradigan Mirza millionni qizini sevib qoladi. Bahrom akani qizi esa Amirbekni sevadi. 
 Bahrom aka va Mirzo akalaryoshlikdan dushman. Ular bog‘cha paytida urushgan, kollejda qiz talashgan, hozir esa biznes va obruy borasida doim raqobatda. Endi esa, bir yigit – Amirbek – ularning hayotiga aralashib qoladi.
 Har ikki boyning ham yolg‘iz, sevgisiga va baxtiga ishongan qizlari bor. Ular: Bahrom akaning qizi — Lola, shaddod, erkatoy qiz. Kibrliroq. O‘ta zamonaviy. 
 Mirza akani qizi — Muyassar, xushmuomala, oddiylikni qadrlaydigan, limon yetishtirishga qiziqadigan qiz. 
 Amirbek bu ikkala qizniyam ko‘ngliga yo‘l topgan. Ikkalasi bilan ham mos tushadi — birining yuragiga, ikkinchisining ongiga yaqin. Har ikki qiz ham uni o‘z baxti, bo‘lg‘usi eri deb hisoblay boshlaydi.
Endi qizlar o‘rtasida ham raqobat boshlanadi. Sevgi, ehtiros, va ikki ota-ona roziligi uchun kurash. Mahallada esa gap-so‘z bolalaydi:
— “Bu yigit kim?”
— “U ikkalasiga ham kuyovmi?”
— “Ikki boyga birdaniga kuyov bo‘lib qolish mumkinmi?”
 Haqiqat ma’lum bo‘lishi bilan nizo avj oladi. Amirbek tanlov qilishga majbur: kimni tanlash kerak — yurakni tinglashmi, qarzdorlik hissini, yoki hayotda o‘z yo‘lini topishmi?
 "Ikki boyga bir kuyov" — mahalla yumori, sevgi, qarama-qarshilik va inson qadr-qimmati,pok tuyg‘ularni hazil bilan ochib beradigan, real hayotdagi munosabatlarga uyg‘un komedik va ehtirosli epizodalarga, qarama-qarshiliklarga boy bo‘ladi. 
 Bu filmning qisqacha sinopsisi. ma’qul bo‘lsa kengaytirib yoziladi. Qo‘shimcha konfliktlar ishllab chiqilishi mumkin.