So'nggi qadam

"SO‘NGGI QADAM" Zilola – oddiy, samimiy va orzulari bor yosh qiz. U otasi tomonidan qishlog‘idagi o‘zi yaxshi ko‘rmaydigan bir yigitga majburiy ravishda turmushga berilmoqchi bo‘ladi. Ammo Zilola otasining bu qarorini qabul qila olmaydi. Opalariga o‘xshagan hayotni xohlamaydi. Uning qalbida erkin hayot, sevgi va shaxsiy tanlovga intilish kuchli. U uyidan yashirincha chiqib ketadi va poytaxtga yo‘l oladi. Yo‘l chetida ketayotganida, mashinasida uyiga qaytayotgan Alisher bilan tanishib qoladi. Alisher Zilolaga nafaqat boshpana va qo‘llab-quvvatlash, balki yangi hayot eshigini ham ochadi. Avvaliga Alisher Zilolani uyiga qaytarmoqchi bo‘ladi, ammo uning otasining fe’lini ko‘rib, bu fikridan qaytadi va uni uyiga olib ketadi. Alisherning onasi Zilolani yoqtirmaydi. Voqealar davomida Zilola o‘ziga ishona boshlaydi, mustaqillik nimaligini his etadi va kecha qo‘rqib yashagan qiz endi o‘z taqdirini o‘zi belgilashga qaror qiladi. Zilola kafeda ishlaydi, yangi dugona orttiradi, lekin ota-onasini norozi qilib yurishni o‘ziga ep ko‘rmaydi. U qishloqqa qaytadi. Film so‘ngida Alisher va Zilolaning turmush qurishlariga kattalar ham rozilik berishadi. "SO‘NGGI QADAM" — bir ayolning an’analar va shaxsiy erkinlik o‘rtasidagi kurashi, sevgi, jasorat va yangi hayotga yo‘l topishi haqidagi ta’sirli va umidbaxsh drama.