Soʻnggi qadam

Zilola — oddiy, samimiy va orzulari bor yosh qiz. Otasi uni qishlog‘ida o‘zi sevib ko‘rmagan yigitga majburan turmushga bermoqchi bo‘ladi. Zilola esa bu qarorni qabul qila olmaydi — opalarining taqdirini takrorlashni istamaydi. Uning qalbida erkin hayot, sevgi va shaxsiy tanlovga intilish ustun.

U uyidan yashirincha chiqib, poytaxt sari yo‘l oladi. Yo‘lda Alisher bilan tanishadi. Alisher Zilolaga nafaqat yordam va boshpana, balki yangi hayot sari umid ham beradi. Avvaliga u qizni uyiga qaytarishga urinadi, biroq otasining fe’l-atvorini ko‘rib, fikridan qaytadi va Zilolani o‘z uyiga olib ketadi.

Alisherning onasi Zilolani darhol qabul qilmaydi. Voqealar davomida Zilola o‘ziga ishonishni, mustaqil yashashni o‘rganadi: kafeda ishlaydi, yangi dugonalar orttiradi. Ammo ota-onasini ranjitib yurishni o‘ziga ep ko‘rmay, qishlog‘iga qaytadi.

Film yakunida Alisher va Zilolaning turmush qurishiga kattalar ham rozilik bildiradi.