Nomus yo'li

“NOMUS YO’LI” 

Voqea, boy oila vakillari atrofida bo’lib o’tadi. Bosh qahramon Ifora va turmush o’rtog’i Kozimning bir o’g’il va bir qizi bo’ladi. Qizi Oynur juda tarbiyali qiz bo’ladi. O’g’li Ahbor esa, pulni tinmay sarflaydigan, kayf safoga berilgan bo’ladi. Voqeaning boshlanishi, epilog qismdan boshlanadi ya’ni tomoshabinga qiziqarli bo’lishi uchun, voqeaning oxirgi kulminatsion qismidan parcha, birinchi epizodda ko’rsatiladi va voqea boshidan boshlanadi. Kulminatsion qism, voqeaning oxirgi qismida, to’liqligicha qaytadan ko’rsatiladi.Voqea, Kozim va Iforaning baxtli kunlaridan boshlanadi, ammo baxt uzoqqa cho’zilmaydi, Kozim voqeaning ilk qismida to’satdan vafot etadi. Uning nima sababdan va kim tufayli vafot etishi, voqea davomida, sekin astalik bilan ochib beriladi. Kozimning vafoti, oilani tubdan o’zgartirib yuboradi. Kozimning boyligiga davogarlar paydo bo’la boshlaydi. Kozimning yaqin do’sti ham hiyonat qiladi. Ifora, eridan so’ng hamma ishni o’zi boshqarishni boshlaydi. Tomoshabin uchun, oilasiga sodiq, xushchaqchaq ayol bo’lib ko’ringan Ifora, aslida umuman boshqa ayol bo’lib ko’rinishni boshlaydi. Iforaning o’tmishdagi xatosi ya’ni Damin paydo bo’ladi. Damin, ancha paytdan buyon qamoqda bo’lib, chiqib keladi. Ifora bundan havotirga tushadi, chunki o'g'li- Ahbor eri Kozimdan emas, Damindan bo’lgan bo’ladi. Bu sirni shuncha yil hammadan ustalik bilan berkitib kelayotgan Ifora, sir ochilishidan qo’rqa boshlaydi. Hamma uchun halol, bekamiko’st ko’ringan Iforaning hayotida bunday ish bo’lishi, unga baxtsizlik olib kelishini yaxshi biladi. Ifora, Damin bilan ko’rishadi. Damin, u kutgandek avvalo sir tutilgan og’li Ahbor haqida so’raydi va sirni ochish vaqti kelganini, otasi ekanini aytishini aytadi. Ifora buni istamaydi, yo’qsa qaynotasi hamma narsadan uni mahrum qilishini, yaqinlari orasida sharmanda bo’lishini aytib, Daminga yolvoradi. Ammo Damin, sirni sir holatida qoldirish uchun o’zining shartini aytadi, ya’ni firmada yaxshi lavozimda ishlashini ta’minlanishini so’raydi. Ifora o’ylanib qoladi va oxir oqibat, rozi bo’ladi. Damin, o’g’li Ahbor bilan yaxshi kelishib ketishadi. Bundan Iforaning havotiri oshadi. Voqeaning Ifora va Damin o’rtasidagi qizg’inlik va o’zaro qarama qarshilik ya’ni intirigaga boy qismlari, shu tarzda davom etadi. Ifora, ishni boshqarishda qiyindchilikka uchraydi. Kozimning do’sti ham bu firmaga pul tikkanini bahona qilib, Ifora bilan boshqaruvni talashadi. Ifora, Daminni yo’qotishni o’ylab qoladi va pul evaziga o’ldirtirib yuborishni reja qiladi. Ifora, mol mulkdan ajralib qolishdan qo’rquvi sabab, kim unga yomonlik qilish niyatidaligini bilsa, hammasidan o’ch olish harakatiga tushib qoladi va umuman boshqa insonga aylanadi. Ahbor, ko’plab hatolar qiladi, qiz uchun, bir yigitni pichoqlab qo’yadi. Uni qutqarish uchun, Iforaning juda ko’p puli ketadi. Ahbor va onasining o’rtasida nizo paydo bo’ladi va Ahbor uydan chiqib ketadi. Damin bundan foydalanib, o’g’lini o’ziga og’dirib oladi.

Voqea so’ngida, Ifora hamma narsasidan ayriladi. Hattoki Kozimning o’limiga ham aslida o’zi sabab bo’lgani, voqea so’ngida ochib beriladi. Ifora jinnixonaga tushadi va hech kimsiz, yolg’iz qoladi. Sinopsisda ko’rsatilmagan, qiziqarli voqealar, to’liq ssenariyda, aniq va to’liq holatda yoritib beriladi….!