Arvox pari

“Oq changal” qishlog‘ida sirli o‘lim holati yuz beradi. Keksa o‘qituvchi vafot etadi. Oradan ko‘p o‘tmay, o‘qituvchining o‘g‘li g‘oyib bo‘ladi. Uchastka profilaktika inspektori vazifasini bajarayotgan leytenant Bekchanov yo‘qolish ortida jinoyat izi borligidan gumon qiladi.

Mazkur ish kapitan Akbar Qudratovga topshiriladi. Akbar qishloqqa kelib, yo‘qolgan yigitning jasadini topadi. U qotilning iziga tushadi. Jinoyatchi izini yo‘qotish maqsadida guvohlik berishi mumkin bo‘lgan cho‘ponni o‘ldirib, voqeani o‘z joniga qasd sifatida ko‘rsatishga urinadi.

Biroq Akbar qotilning hiylasiga aldanmaydi. Qotillikni fosh etib, jinoyatchini qo‘lga oladi.