Aldanganlar

Asosiy qahramonlardan biri — Qudrat koll-markaz tashkil qiladi. U sheriklari bilan sodda va keksa odamlarga qo‘ng‘iroq qilib, goh o‘zlarini nochorlarga moddiy yordam ko‘rsatadigan fond vakili, goh militsiya xodimi, goh bank vakili sifatida tanishtiradi. Shu yo‘l bilan o‘ljalarining ishonchiga kirib, aldov orqali pullarini o‘z hisob raqamlariga o‘tkazishga majbur qiladi.

Ammo “buzoqning yugurgani somonxonagacha”. Qudrat va sheriklari o‘rtasida kelishmovchilik yuzaga keladi. Militsiya ta’qibiga tushganini sezgan Qudrat ikkala sherigini ham o‘ldiradi. U chet elga qochishga urinadi, biroq ulgurmaydi.

Yetmish yoshlardagi onaxon — Sharofat ularni fosh etadi. Qudrat onaxonning tuzog‘iga tushadi va militsiya tomonidan qo‘lga olinadi.