Sevgi va nafrat

Laziza Ozoddan mo‘maygina pul evaziga, uning yoshi katta, nogiron, ammo millioner bo‘lgan boshlig‘ining boshini aylantirib, merosiga ega chiqish rejasini eshitadi. Ozodning yordami bilan Laziza Alisherning xizmatchisiga aylanib, uning uyiga kiradi. Alisher Lazizani yoqtirib qoladi, chunki u vafot etgan ayoliga juda o‘xshardi. Agar Alisher Lazizaga uylansa, barcha boyliklar unga o‘tardi — sababi Alisherning farzandi yo‘q edi. Laziza Ozodning maslahatlariga amal qiladi va Alisher uni sevib qoladi. Bir paytlar Laziza bu yo‘ldan qaytmoqchi bo‘ladi, biroq katta qarzlari sabab nogiron va jahldor Alisherning qiliqlariga chidaydi. Alisher Lazizaga uylanadi va unga nisbatan o‘ta mehribon erga aylanadi. Unga bildirmasdan, kuzatuv kamerasi o‘rnatilgan taqinchoq sovg‘a qiladi. Bir kuni Alisher uxlab qolib, uyg‘onmaydi. Laziza qo‘rqib ketib, Ozodga qo‘ng‘iroq qiladi. Ammo Ozodning qora ishlari tufayli, Laziza erining qotili sifatida gumonlanib, hibsga olinadi. Laziza Ozod uni sevadi va qutqaradi deb o‘ylaydi, ammo Ozod uni faqat o‘lja sifatida tanlaganini aytadi. Aslida, Lazizaning qarzga botib qolishi ham Ozodning avvaldan tuzgan rejasi bo‘lib chiqadi. Sababi, Laziza Ozodning onasi — ya’ni Alisherning marhum ayoliga juda o‘xshagan bo‘ladi. Alisher o‘gay o‘g‘li Ozodni boyliklaridan mahrum qilib, uni shunchaki yugurdak qilib qo‘ygandi. Ozodning rejasi bo‘yicha, agar Laziza qotil bo‘lsa, merosdan mahrum etiladi va o‘gay bo‘lsa ham “men farzandi bo‘lganim” sabab boylik menga o‘tadi, deb o‘ylagan bo‘ladi. Lazizaning yodiga erining bergan taqinchog‘i tushadi va uning orqali qotil emasligini isbotlab, qamoqdan chiqadi. Erining vasiyatiga ko‘ra, mol-mulkning yarmidan ko‘pini ehson qiladi, qolganini esa o‘ziga sarflaydi. Ozod esa qamaladi.