Vijdon azobi

Maruf o‘g‘lining operatsiyasi uchun hech qayerdan pul topa olmaydi. Oxir-oqibat u do‘sti bilan o‘g‘rilikka qo‘l urishga majbur bo‘ladi.

O‘g‘rilik chog‘ida tasodifan uy egasi — oltmish yoshlardagi kishining o‘limiga sababchi bo‘ladi. Keyinchalik ma’lum bo‘ladiki, halok bo‘lgan odam Marufning o‘g‘lini operatsiya qilgan shifokorning otasi ekan.

Operatsiya muvaffaqiyatli o‘tadi, o‘g‘li sog‘ayadi. Ammo Marufni vijdon azobi tark etmaydi. U haqiqatni shifokorga aytmoqchi bo‘ladi, biroq jur’at topa olmaydi.

Bir kuni do‘stiga dardini ochadi. Do‘sti esa: “Bo‘lar ish bo‘ldi, endi hech narsani o‘zgartirib bo‘lmaydi”, deydi. Shu payt uni mashina urib ketadi va u halok bo‘ladi.

Film davomida Maruf ichki iztiroblar bilan yashaydi. Yakunda o‘g‘lining ahvoli yana og‘irlashgach, u shifokor huzurida barcha aybini tan oladi.