Nomus va qasos

Sevara ismli qiz otasini o‘ldirishga majbur bo‘ladi. Bunga uning nomusidan ayrilishi va buning ortidan ikki yil avval vafot etgan sinfdosh dugonasi Zilolaning o‘limi haqidagi haqiqatlar ochilishi sabab bo‘ladi. Ikki yil avval ikki qo‘shni — Sevaraning otasi Olim aka va Zilolaning otasi G‘ulom aka — dam olish maskanida hordiq chiqarishadi. Olim aka G‘ulom akaga qimor o‘ynashni taklif qiladi. Ular qimor o‘ynashadi va G‘ulom aka yutqazadi. Tikishga hech narsasi qolmagan G‘ulom akaga Olim aka xotini va qizini tikishni aytadi. G‘ulom aka rad etganida, Olim aka bu shunchaki o‘yin ekanini aytadi. Natijada G‘ulom aka rozi bo‘ladi. Barcha fojia ana shu qimor oqibatida yuz beradi. Qimorda yutqazgan G‘ulom akaning qizi Zilola Olim aka tomonidan nomusiga tegilishi oqibatida o‘zini osib qo‘yadi. Onasi esa telba bo‘lib qoladi. G‘ulom aka qasos olishga ont ichadi. Oradan ikki yil o‘tib, Sevara to‘yiga taklifnoma berish uchun Zilolaning uyiga boradi. G‘ulom aka uni aldov bilan uyiga olib kirib, nomusini toptaydi. Sevara to‘y kuni otasini o‘ldiradi va uy o‘rtasiga osilib joniga qasd qiladi. Sababini esa xat yozib qoldiradi. Bu xat singlisiga ibrat bo‘ladi va akasining ham ko‘zini ochadi. Ular G‘ulom akadan qasos olmaydi, balki qonuniy yo‘l bilan choralar ko‘radi. G‘ulom aka qamaladi. Adolat qaror topadi.