Online sevgi

Virtual munosabatlar va ijtimoiy tarmoqdagi mashhurlik hech qachon chinakam his-tuyg‘ular o‘rnini bosa olmaydi. Ammo filmimiz qahramoni — Habiba bu fikrga qo‘shilmaydi. U uchun ijtimoiy tarmoqlardagi hayot haqiqiy hayotdan farq qilmaydi. Habiba — bloger, sho‘x-shaddod va xayoliga kelgan ishni qiladigan erkatoy qiz. U universitet talabasi.

Ikkinchi qahramonimiz — Habibaning kursdoshi Fayoz. U ota-onasiga mehribon, mustaqil ravishda hayotda o‘z o‘rnini topishga intilayotgan, bilimli va maqsadga intilgan yigit. Fayoz zimdan Habibani sevib qoladi va shu bilan qahramonlar hayotida kutilmagan sarguzashtlar boshlanadi.

Fayoz o‘z sevgisiga erishish yo‘lida har qanday mashaqqatni yengib o‘tishga tayyor. Biroq Habiba muhabbatni bir o‘yin deb biladi va Fayozning samimiy tuyg‘ulariga ham o‘yin sifatida qaraydi. U hatto muhabbat ko‘yida yonayotgan Fayoz uchun o‘zgacha bir “o‘yin”ni boshlab yuboradi.

Qanday o‘yin deysizmi? Yaxshisi, buni filmni tomosha qilganingizda bilib olasiz.