Qadar

Ushbu film jamiyatimizda uchrayotgan aka-ukalar o‘rtasidagi mol dunyo sababli kelib chiqayotgan nizolar xaqida hikoya qiladi. Odilning akalari Zokir va Shokir onasining vafotidan so‘ng Odil uchun qolgan uy joyga da’vo qilishadi. Odil bu gaplardan so‘ng akalari o‘rtasiga sovuqchilik tushishini istamay, homilador rafiqasini olib do‘sti Rustamning qarovsiz qolgan hovlisiga boradi. U yerda Odilni boshiga ko‘p qiyinchiliklar tushadi biroq, shunda ham o‘ziga tegishli  uy uchun davo qilmaydi. Bu orada u  eng yaqin insonlaridan ham yaqinroq Qorako‘zni uchratdi. U kuchuk Odilga xaqiqatdan vafodorlik qiladi. Hatto, yaqin do‘stiga ham aylandi. Odil boriga shukr qilib, hamma sinovlarga sabr qildi. Ota-onasi bergan tarbiyasini unutmadi. Akalariga qarshi chiqmadi. Ko‘p sinovlar, mashaqqatlardan o‘tib, hayotini yaxshilash uchun urindi. Kunlar o‘tib farzandi dunyoga keldi. Ertangi kuni uchun umid uyg‘onsin deb, yaxshi niyat bilan  o‘g‘liga Umidjon deb ism qo‘yadi.